ឯកឧត្តម ឃុន លាងម៉េង អនុប្រធានសាលាឧទ្ធរណ៍ភ្នំពេញ និងជាប្រធានសភាស៊ើបសួរ បានដឹកនាំក្រុមការងារអធិការកិច្ចសភាស៊ើបសួរសាលាឧទ្ធរណ៍ភ្នំពេញ ចុះអធិការកិច្ចនៅមន្ទីរស៊ើបសួរសាលាដំបូងខេត្តតាកែវ

នៅថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនាឆ្នាំ២០២៦, ឯកឧត្តម ឃុន លាងម៉េង អនុប្រធានសាលាឧទ្ធរណ៍ភ្នំពេញ និងជាប្រធានសភាស៊ើបសួរ បានដឹកនាំក្រុមការងារអធិការកិច្ចសភាស៊ើបសួរសាលាឧទ្ធរណ៍ភ្នំពេញ ចុះអធិការកិច្ចនៅមន្ទីរស៊ើបសួរសាលាដំបូងខេត្តតាកែវ ដែលមានសមាសភាពដូចខាងក្រោម៖

-លោកស្រី យិច ឈាណាវី ចៅក្រមសាលាឧទ្ធរណ៍ភ្នំពេញ

-លោក ជូ លឹមហ៊ាង ចៅក្រមសាលាឧទ្ធរណ៍ភ្នំពេញ

-លោក លី ចន្ថា ចៅក្រមសាលាឧទ្ធរណ៍ភ្នំពេញ

-លោក ម៉ន ចាន់ណា អនុប្រធាននាយកដ្ឋានកិច្ចការតុលាការ

-លោកស្រី ប៉ិច ស៊ីហ៊ន ក្រឡាបញ្ជី

-លោក ប៉ោ សុន្ទរ៉ា ក្រឡាបញ្ជី

-លោកស្រី ប៉ែន ចន្ទ័និមល ក្រឡាបញ្ជី

សមាសភាពចូលរួមពីសាលាដំបូងខេត្តតាកែវរួមមាន៖

-ឯកឧត្តម ធាម ចន្ទ័ពិសិដ្ឋ ប្រធានសាលាដំបូងខេត្តតាកែវ

-លោក លោកស្រី ជាអនុប្រធានសាលាដំបូង ចៅក្រម អនុប្រធានលេខា ប្រធានការិយាល័យ អនុប្រធានការិយាល័យ ក្រឡាបញ្ជី មន្រ្តីរដ្ឋបាល នៃសាលាដំបូងខេត្តតាកែវសរុបចំនួន១៧នាក់ ។

ការចុះអធិការកិច្ចនៅមន្ទីរស៊ើបសួរសាលាដំបូងខេត្តតាកែវ ដេីម្បី៖

១.ពិនិត្យអំពី នីតិវិធីនៃការស៊ើបសួររបស់ចៅក្រមស៊ើបសួរ

២.ពិនិត្យអំពីនីតិវិធីនៃការឃុំខ្លួនរបស់ចៅក្រមស៊ើបសួរ ដេីម្បីជៀសវាងការឃុំខ្លួនជនត្រូវចោទហួសកំណត់ច្បាប់

៣.ធានាកុំឱ្យនីតិវិធីនៃការស៊ើបសួរមានភាពយឺតយ៉ាវដោយមិនសមហេតុផល

៤.ផ្តល់យោបល់លើចំណាត់ការ នីតិវិធីនៃការស៊ើបសួរឱ្យមានភាពល្អប្រសេីរ និងឆាប់រហ័ស

៥.ផ្តល់យោបល់អំពីការចាត់បញ្ជូនរបាយការណ៍ស្ថិតិឱ្យបានទៀងទាត់ និងពន្លឿនការដោះស្រាយរឿងក្តីអាទិភាព

៦.ពិនិត្យ និងទទួលយកសំណូមពរផ្សេងៗ។